Առանձնատան նախագծում

Նախագծման փուլում շատ կարևոր է ճիշտ ձևակերպել ձեր պահանջներն ու ցանկությունները և առաջադրանքի տեսքով ներկայացնել ճարտարապետին։

Հարկայնություն

Սկզբում պետք է որոշել թե քանի հարկանի պետք է լինի առանձնատունը, եթե օրինակ` Ձեր հողատարածքը 1000քմ է և դուք ցանկանում եք 150քմ մակերեսով առանձնատուն կառուցել, ավելի հարմար և էսթետկ կլինի կառուցել մեկ հարկանի առանձնատուն, իսկ եթե ձեր հողատարածքը փոքր է, օրինակ` 400քմ ճիշտ կլինի 150քմ մակերեսով առանձնատունը նախատեսել երկհարկանի։

Տեղադիրք

Այնուհետև պետք է որոշել առանձնատան տեղադիրքը հողատարածքի վրա, նախ պետք է ուշադրություն դարձնել տան մուտքին, որը ցանկալի է մոտ լինի հողատարածքի մուտքին և ավտոկայանատեղին, հաջորդը պետք է հաշվի առնել հողատարածքի ռելիեֆը և պետք է այնպես տեղադրել տունը, որ պատհուհաններից բացվի գեղեցիկ տեսարաններ։

Աստիճաններ

Աստիճաններից ելքը դեպի երկրորդ հարկ պետք է դուրս գա տան միջնամասում, որպեսզի միջանցքը շատ մեծ չլինի և հարմար լինի հասնել բոլոր սենյակներին։
Իսկ առաջին հարկում ավելի օպտիմալ և հարմար կլինի, որ աստիճանավանդակը հնարավորինս մոտ լինի տան մուտքին։
Աստիճանների տակը նպատակահարմար է օգտագործել, որպես զգեստապահարան, տնտեսական սենյակ, սանհանգույց, լվացքասենյակ․․․
Աստիճաններին և միջանցքին բնական լույս ապահովելու համար ցանկալի է աստիճանավանդակում ունենալ պատուհան:
Հարմարավետ աստիճաններ ունենալու համար ցանկալի է ոտնաչափի լայնությունը լինի 300մմ դա բարձրահասակ մարդու ոտքի չափսն է (կոշիկի չափսը՝ 46), իսկ բարձրությունը 150մմ (սա երկու աստիճանների միջև եղած բարձրությունն է):

Սենյակներ

Առանձնատանը անհրաժեշտ մինիմալ ֆունկցիոնալն է՝

քնել,
հանգստանալ,
հյուրեր ընդունել + ճաշ պատրաստել,
պահպանել հիգիենա,
պահպանել մաքրություն + սպասք լվանալ,
ուտելիք և իրեր պահել,
լվանալ + չորացնել + արդուկել

Յուրաքանչյուր առանձնատան նախագիծ պարտադիր պետք է ներառի այս հատկանիշները,
իսկ այս գործառույթներն ապահովում են սենյակների հետևյալ նվազագույն հավաքածուն՝

ննջասենյակ,
խոհանոց + հյուրասենյակ,
սանհանգույց,
միջանցք-նախամուտք,
տեխնիկական սենյակ

Կարող են նախագծվել նաև այլ տարածքներ՝ ելնելով Ձեր ցանկություններից և հնարավորություններից։
Սենյակների մինիմալ չափսերն են՝

Նախամուտք՝ 2 քմ
Միջանցք՝ 3-5 քմ
Հյուրասենյակ + խոհանոց՝ 30-40 քմ
Խոհանոց (եթե առանձին է)՝ 10 քմ
Խորդանոց՝ 3-4 քմ
Սանհանգույց՝ 5-7 քմ
Ննջասենյակ՝ 10-15 քմ
Տնտեսական սենյակ՝ 5-7 քմ
Միացնող սենյակներ (միջանցքներ, սրահներ, աստիճաններ)՝ + 10 – 15%

Պատուհաններ

Առանձնատան պատուհանների չափսերը որոշվում են նախագծման փուլում: Իրական հաշվարկները բավականին բարդ են, բայց մենք կփորձենք ավելի հասկանալի դարձնել դրանք, որպեսզի ամեն ինչ պարզ դառնա։
Մեր տարածաշրջանում անհրաժեշտ լուսավորության համար պատուհանի մակերեսը կարելի է հաշվարկել պարզեցված եղանակով: Դա անելու համար հիմք ենք ընդունում հետևյալ նվազագույն գործակիցները՝ պատուհանի և սենյակի հատակի մակերեսի հարաբերակցությամբ: